Rondritte op de vrijdag veur de Oud-Lunterse Dag

Veur de rondritte op vrijdag 28 augustus mot je je weer, op z’n Lunters, inschrieve mit pen en pepier. Je mot dus zelf naor ’t Neije Aarf toe komme um je in te schrieve. De keels en wieve van de organisaotie van de bromfietse en fielecepees zitte op vrijdag 10 juli van 19.00-21.00 uur en op zaoterdag 11 juli van 14.00-16.00 uur op ’t Neije Aarf.

Veur zoowel de automobiele as de trekkers zin d’r dit jaor gien inschrievinge!

 D’r is iezeg veul belangstelling veur de ritte en we hoope dan ok da’je nie achterof an kom kakke um nog mee te doen. Da’s nie te doen veur de organisaotie minse, dus maok d’r effe tied veur a’je mee wil doen en zorg da’je d’r op tied bij bin um je in te schrieve. En neem ’t kenteeke van je bromfiets mee, went dat mo’je ter plekke laote zien um te kunne worde ingeschreeve!

De Kemissie zal d’r dan ok zitte mit de inrijkaorte veur de zaoterdag van de OLD. Mit zoo’n kaort ku’je dan mit de luxe waoge ’t daarp inkomme.

Lees hier de online krant van deze week.