Op zn Lunters

Beste minse, dr mot mien wat van t hart. Degeene die mien kenne zouwe t nie van mien verwachte, mer toch is t zo. Ik zal je vertelle wat dr an de haand is.

t Is nie dak nie gastvrij bin, mer de leste tied doe k veur gien mins de deur meer open. Soms zin t collectante die langs komme veur n of ander goed doel, mer k laot ze gewoon staon. Een andere keer zin t de kiendere uut de buurt die de bal in de tuin hen geschupt, mer ze komme dr bij mien nie in. De melkboer en de kaosboer hen de moed ok al opgegeeve en zelfs de Jehovas getuuge kriege bij mien gien voet tusse de deur.

Zo as k al zei leit t dr nie an dak nie gastvrij bin en minseschuw bin k ok nie. Ik hoop dus dat jullie t mien allemaol nie kwaoluk neeme went k kan alles uutlegge waorum t zo gaot zo as t gaot: de deurbel is kapot. Dus as je me noodug het, kom dan gerust achterom, went die deur staot bij mien altied open.

Minse, tot zoveer

Ep Spek