Veureg jaor ging t gerucht dat t de leste keer zou weeze. Ze zouwe gien toestemming meer kriege van de gemeente zeije ze. En dat terwijl dr alle jaor honderde minse an mee doen. Ik het t over de jaorlukse Lunterse Aovondwandeldriedaogse. Of t waor is dat dr veureg jaor probleeme zin geweest, da week nie, mer wak wel weet is dat die deze week gelukkeg gewoon weer van start is gegaon.

Alle Lunterse schoole hen dr an meegedaon. De eerste moste al um kwart veur zes s aoves starte bij t Westhoffhuus en daornao startte dr um de vijf minuute weer n andere school. Noe denk je bij je eige, dat wurdt n groot kiepehok mit al de honderde schoolkiendere, die zo uutgelaote bin as n stel jonge honde. Mer niks is minder waor. t Was wl n gekaokel van heb ik jou daor, mer stipt op tied ginge alle schoole volgens plenning van start. Petje af veur de orregieniesaotie zouk zo zegge!

De wandelroute ging deur t buutegebied van Lunteren. De Eng, t Buurtbos, de Koepel, alle mooie plekjes hen we gezien. En t raore is, dat t net liekt of t dr mit zon aovonddriedaogse nog mooier uut ziet as aanders. Je bin dr messchien al wel honderd keer geweest, met toch was t net effe aanders. Of zou t soms aarges aanders an hen geleege dak dr dit jaor zoveul schik an het beleefd? Al praotende zat de tocht dr al weer op veur we dr aarg in hadde. Ze was ok zo aordeg. Ik hoop stiekem dat ze volgend jaor weer meeloopt.

Minse, tot zoveer

Ep Spek