Waor blieve zin verhaoltjes in de Lunterse kraant ?
Is ie soms verhuusd naor een aander laand ?
Gaon wone an een vergelege straand ?
Op de maon gelaand ?
Overgelope deur een olifaant ?
Leeft ie ineens op staand ?
Het ie zin hart verpaand ?
Zin kop gestoke in het zaand ?
Is ie gevalle over de raand ? V
erlore zin verstaand ?
De veurjaorsschoonmaok an het doen met soda, zeep en zaand ?
In de put belaand ? Is ie gevalle deur de maand ?
Staot ie gezet an de kaant ?
Is de koning nog klaant ?
Dit schrieve slaot wal nog kaant
Ik weet het ok niet meer
Mer ik mis elke week die verhaoltjes weer
Schrief jie nog een keer ?
Want jie liekt me best wel een toffe peer
En jie krieg altied wel van nare mense een sneer
Of durf jie daorum niet meer ?

Er is zoveul te schrieve deze tied
b.v. over die neije weg, waor tot mien spiet
een deftige naom an gegeve is
en ik veur mien eige het daarpse in die naom mis
Buuteomweg had ikzelf b.v. veul mooier gevonde
En dat had ik ok tijdens de daarpsvergaodering ingezonde
Mer helaas is het in Ee opzij gelegd,
want als gemeente hebbe ze blijkbaor dat recht

Ik las trouwens in een Ee'e kraant
dat die kraanteschriever denkt dat niemaand
de naom sporthuus kan uutspreke!
Mer het die beste man dan zelf niet veul gebreke ?
Want wat is daor noe moeilek an vraog ik mien af ?
Ik stond daor werkelek van paf
Overdrieve is ok een vak
Hou jie veurlopeg mer je gemak
Als je an Luntere kom ,kom je an mien
En hou het dan mer veur gezien

Want ik ben trots op mien daarpje en onze taol
En dan ben ik mirakels strijdvaordig en brutaol
Ep Spek laot iets van je heure en zet hem op
Laot je niet zitte op je kop
De groete van Liseth van Aartje (en Gijs ) van Hamp van Frits en Heintje.