As je 't daarp deur loopt zie dat ze op veul ploatse an 't mulle zin. In de supermart van Koesveld zit al weer aander volk. Doar zulle de vrouwspersone die toch altie de meeste boodschappe doen best an motte wenne. En de nieuwe Rabo, doar bin ik effe geweest um wat of te geve. Ik wis nie hoe gauw ik t'r weer uut mos, zo'n koale boel as ut doar noe toch is. Veurlopig liekt ut me nog heel nie. Bij Sil zin ze ok an 't verbouwe gesloage, woar dat veur nodig is zou ik ok nie wete, ut ziet t'r toch nog heel knap uut. En de klerewinkel tegeover Floor goan ze van binne ok helemoal umgooie. Veur de minse die wat motte kope zin die verbouwings vanzelf nie slecht, al ut spul is dan un bonk goeiekoper. Mer wat zal un mins d'r veerder van zegge? Ut spreekwoord zeit nie veur niks: alle verbetering is nog gien veraandering. Dat stukje van mien over de Honskamp de veurige keer het heel wat losgemoakt. Ik geleuf dat sommige minse d'r eige angesproke veulden. Mer zoiets mot kunne, Heur en wederheur, un mins mot de ruumte kriege um te zegge en te schrieve wat of tie op z'n hart het.

Minse, ut goeie Job van de Top.