Nieuws
Dit jaor is 't niet aanderst.
kemissie_Oud_Lunterse_Dag
Op de footoo staon van links naor rechts: Adrie de Schoffel (mit de schoffel), Jeroen de Vliegert, Fred van 't Bosbad (mit de zeis), Evert de Braojert (mit de trekzaog), Job van Jacob, Nico Stopvaarf, Dries van de Waoterloop, de Hoefsmid, Buurtrichter en Driekus de Klerk (bekieke de teekening). Op de stieger in 't midde staot Wim de Vlegel die een dakpan geeft an Meeuwis van de Stroet en links d'r naost staot Teunis Deuk de Veurzitter.
 
De footoo die we hen laote schiete deur Frits van de Knip is krek wat we wille uutdraoge mit 't thema van dit jaor: "In Lunteren keu je maarke dat we saomewaarke". Dit hen we gedaon bij de Muldersschuur.
Veur dat die hier sting, zin een heule kwak minse saome gekomme en hen ze een knap stukje ouwerwets saomewaarke ofgeleeverd. Een meraokels mooi
Stukje Lunterse histoorie dat bewaord is en waorvan je ok nog gebruuk van kan
maoke. Kiek daorveur mer op de kompjoeter; de Muldersschuur mer dan mit
een punt nl. Daor staot hoe je d'r gebruuk van kan maoke.
 
Dus minse 'In Lunteren keu je maarke dat we saomewaarke'.
 
Groet Kemissie Oud Lunterse Dag